Home Blog

Cauvery water dispute: ಕಾವೇರಿ ನೀರಿನ ಹಂಚಿಕೆ ಮತ್ತೆ ವಿವಾದದ ಕೇಂದ್ರಬಿಂದು: CWMA ಸಭೆಯಲ್ಲಿ ಕರ್ನಾಟಕ-ತಮಿಳುನಾಡು ವಾದ ಏನಿತ್ತು? ನೀರು ಹರಿದಿದೆಯೇ ಎಂದು ಗೊತ್ತಾಗುವುದು ಹೇಗೆ?

By
varpithkumar
-
0

ಬೆಂಗಳೂರು/ನವದೆಹಲಿ: ಕಾವೇರಿ ನೀರಿನ (Cauvery water) ಹಂಚಿಕೆ ವಿಚಾರ ಮತ್ತೆ ರಾಜ್ಯದಲ್ಲಿ ತೀವ್ರ ಚರ್ಚೆಗೆ ಕಾರಣವಾಗಿದೆ. ಎಲ್‌ನಿನೋ ಪರಿಣಾಮದಿಂದ ಕರ್ನಾಟಕದಲ್ಲಿ ಭೀಕರ ಬರ ಪರಿಸ್ಥಿತಿ ಎದುರಾಗಿದ್ದು, ಹಲವೆಡೆ ಕುಡಿಯುವ ನೀರಿಗೂ ಸಂಕಷ್ಟ ಉಂಟಾಗಿದೆ. ಇಂತಹ ಸಂದರ್ಭದಲ್ಲಿ ಕಾವೇರಿ ನೀರು ನಿರ್ವಹಣಾ ಪ್ರಾಧಿಕಾರ (CWMA) ಮುಂದಿನ 15 ದಿನಗಳ ಕಾಲ ಪ್ರತಿದಿನ 3,500 ಕ್ಯೂಸೆಕ್ (ಒಟ್ಟು ಸುಮಾರು 4.5 ಟಿಎಂಸಿ) ನೀರನ್ನು ತಮಿಳುನಾಡಿಗೆ ಬಿಡುಗಡೆ ಮಾಡುವಂತೆ ಕರ್ನಾಟಕಕ್ಕೆ ಸೂಚನೆ ನೀಡಿದೆ.

ಈ ಆದೇಶದ ಬೆನ್ನಲ್ಲೇ ರಾಜ್ಯದಲ್ಲಿ ಆಕ್ರೋಶ ವ್ಯಕ್ತವಾಗಿದ್ದು, ವಿವಿಧ ಸಂಘಟನೆಗಳು ಪ್ರತಿಭಟನೆಗೆ ಸಜ್ಜಾಗಿವೆ. ಆದರೆ, ಈ ನಿರ್ಧಾರಕ್ಕೆ ಕಾರಣವೇನು? ಕರ್ನಾಟಕ ಮತ್ತು ತಮಿಳುನಾಡು ಸಭೆಯಲ್ಲಿ ಯಾವ ವಾದಗಳನ್ನು ಮಂಡಿಸಿವೆ? ಬಿಳಿಗುಂಡ್ಲುವಿನಲ್ಲಿ ನೀರಿನ ಪ್ರಮಾಣವನ್ನು ಹೇಗೆ ಅಳೆಯಲಾಗುತ್ತದೆ? ಇಲ್ಲಿದೆ ಸಂಪೂರ್ಣ ಮಾಹಿತಿ.

ಕರ್ನಾಟಕದ ವಾದ ಏನಿತ್ತು?

ಸಭೆಯಲ್ಲಿ ಕರ್ನಾಟಕದ ಪರವಾಗಿ ಅಧಿಕಾರಿಗಳು ಹಲವು ಪ್ರಮುಖ ಅಂಶಗಳನ್ನು ಮುಂದಿಟ್ಟರು.

  • ಎಲ್‌ನಿನೋ ಪರಿಣಾಮದಿಂದ ರಾಜ್ಯಕ್ಕೆ ಹರಿದುಬರುವ ನೀರಿನ ಪ್ರಮಾಣ ಕಳೆದ 30 ವರ್ಷಗಳ ಸರಾಸರಿಗಿಂತ 65.65% ಕಡಿಮೆಯಾಗಿದೆ.
  • ರಾಜ್ಯದ ಪ್ರಮುಖ ಜಲಾಶಯಗಳಲ್ಲಿ ನೀರಿನ ಮಟ್ಟ ತೀವ್ರವಾಗಿ ಕುಸಿದಿದ್ದು, ಮೊದಲು ಕುಡಿಯುವ ನೀರಿನ ಅಗತ್ಯ ಪೂರೈಸುವುದು ಸರ್ಕಾರದ ಆದ್ಯತೆಯಾಗಿದೆ.
  • ಶೀಘ್ರದಲ್ಲೇ ಆರಂಭವಾಗಲಿರುವ ಈಶಾನ್ಯ ಮಳೆಗಾಲದಿಂದ ತಮಿಳುನಾಡಿಗೂ ಸಾಕಷ್ಟು ನೀರು ದೊರೆಯುವ ಸಾಧ್ಯತೆ ಇದೆ.
  • ಬಿಳಿಗುಂಡ್ಲುವಿನಲ್ಲಿ 3,500 ಕ್ಯೂಸೆಕ್ ನೀರಿನ ಹರಿವು ದಾಖಲಾಗಬೇಕಾದರೆ, ನದಿಪಾತ್ರದ ಒಣಗುವಿಕೆ ಮತ್ತು ಸಾಗಣೆ ನಷ್ಟದಿಂದ ಕರ್ನಾಟಕವು ಸುಮಾರು 7,000 ಕ್ಯೂಸೆಕ್ ನೀರನ್ನು ಬಿಡಬೇಕಾಗುತ್ತದೆ.
  • ಮುಂದಿನ ಬೇಸಿಗೆಯವರೆಗೂ ರಾಜ್ಯದ ಕುಡಿಯುವ ನೀರಿನ ಅವಶ್ಯಕತೆಗಾಗಿ ಸುಮಾರು 40 ಟಿಎಂಸಿ ನೀರನ್ನು ಜಲಾಶಯಗಳಲ್ಲಿ ಕಾಯ್ದಿರಿಸಬೇಕಾಗಿದೆ.

ಕರ್ನಾಟಕದ ಮನವಿ

ಕರ್ನಾಟಕವು CWRC ನೀಡಿರುವ ನಿರ್ದೇಶನವನ್ನು ತಾತ್ಕಾಲಿಕವಾಗಿ ಎರಡು ವಾರಗಳ ಕಾಲ ಮುಂದೂಡಿ, ಮಳೆಯ ಸ್ಥಿತಿಯನ್ನು ಮರುಪರಿಶೀಲಿಸಿದ ಬಳಿಕ ಅಂತಿಮ ತೀರ್ಮಾನ ಕೈಗೊಳ್ಳುವಂತೆ ಮನವಿ ಮಾಡಿತು.

ತಮಿಳುನಾಡಿನ ವಾದ ಏನಿತ್ತು?

ತಮಿಳುನಾಡು ತನ್ನ ವಾದದಲ್ಲಿ ಸುಪ್ರೀಂ ಕೋರ್ಟ್ ಆದೇಶವನ್ನು ಉಲ್ಲೇಖಿಸಿತು.

  • ಜೂನ್ ಮತ್ತು ಜುಲೈ ತಿಂಗಳಲ್ಲಿ ಒಟ್ಟು 32 ಟಿಎಂಸಿ ನೀರು ಬಿಡುಗಡೆಯಾಗಬೇಕಿತ್ತು.
  • ಆದರೆ ಕರ್ನಾಟಕ ಕೇವಲ 3 ಟಿಎಂಸಿ ನೀರನ್ನು ಮಾತ್ರ ಬಿಡುಗಡೆ ಮಾಡಿದೆ ಎಂದು ಆರೋಪಿಸಿತು.
  • ಇದರಿಂದ ಮೆಟ್ಟೂರು ಅಣೆಕಟ್ಟಿನ ನೀರಿನ ಮಟ್ಟ ಸುಮಾರು 40 ಟಿಎಂಸಿಗೆ ಇಳಿದಿದೆ.
  • ಕೃಷಿ ನೀರಾವರಿಗೆ ಕನಿಷ್ಠ 50 ಟಿಎಂಸಿ ನೀರು ಅಗತ್ಯವಿದೆ ಎಂದು ತಿಳಿಸಿತು.
  • ರೈತರ ಹಿತದೃಷ್ಟಿಯಿಂದ ಮುಂದಿನ 15 ದಿನಗಳ ಕಾಲ ಪ್ರತಿದಿನ 11,500 ಕ್ಯೂಸೆಕ್ ನೀರು ಬಿಡುಗಡೆ ಮಾಡುವಂತೆ ಕರ್ನಾಟಕಕ್ಕೆ ಸೂಚಿಸಬೇಕು ಎಂದು ಒತ್ತಾಯಿಸಿತು.

CWMA ಅಂತಿಮ ಆದೇಶದಲ್ಲಿ ಏನಿದೆ?

ಸಭೆಯ ಬಳಿಕ CWMA, ಕಾವೇರಿ ನೀರು ನಿಯಂತ್ರಣ ಸಮಿತಿ (CWRC) ಶಿಫಾರಸನ್ನು ಅಂಗೀಕರಿಸಿತು.

ಪ್ರಾಧಿಕಾರದ ಪ್ರಕಾರ,

  • ಕರ್ನಾಟಕದ ಜಲಾಶಯಗಳಲ್ಲಿ ಪ್ರಸ್ತುತ ಸುಮಾರು 55 ಟಿಎಂಸಿ ನೀರಿನ ಸಂಗ್ರಹವಿದೆ.
  • ಮುಂದಿನ ದಿನಗಳಲ್ಲಿ ಮಳೆಯಾಗುವ ಸಾಧ್ಯತೆ ಇರುವುದರಿಂದ ಜಲಾಶಯಗಳಿಗೆ ಇನ್ನಷ್ಟು ನೀರು ಹರಿದುಬರಬಹುದು.
  • ಈ ಎಲ್ಲಾ ಅಂಶಗಳನ್ನು ಪರಿಗಣಿಸಿ, ಮುಂದಿನ 15 ದಿನಗಳ ಕಾಲ ಪ್ರತಿದಿನ 3,500 ಕ್ಯೂಸೆಕ್ (ಒಟ್ಟು ಸುಮಾರು 4.5 ಟಿಎಂಸಿ) ನೀರನ್ನು ತಮಿಳುನಾಡಿಗೆ ಬಿಡುಗಡೆ ಮಾಡಲು ಆದೇಶಿಸಲಾಗಿದೆ.

2018ರ ಸುಪ್ರೀಂ ಕೋರ್ಟ್ ತೀರ್ಪಿನ ಪ್ರಕಾರ ನೀರಿನ ಹಂಚಿಕೆ

2018ರ ಫೆಬ್ರವರಿ 15ರಂದು ಸುಪ್ರೀಂ ಕೋರ್ಟ್ ನೀಡಿದ ತೀರ್ಪಿನಂತೆ ಕಾವೇರಿ ನೀರಿನ ಹಂಚಿಕೆ ಹೀಗಿದೆ:

  • ಕರ್ನಾಟಕ – 284 ಟಿಎಂಸಿ
  • ತಮಿಳುನಾಡು – 177.25 ಟಿಎಂಸಿ
  • ಕೇರಳ – 30 ಟಿಎಂಸಿ
  • ಪುದುಚೇರಿ – 10 ಟಿಎಂಸಿ

ತಿಂಗಳವಾರು ನೀರು ಬಿಡುಗಡೆ ವೇಳಾಪಟ್ಟಿ:

ತಿಂಗಳು ನೀರು (ಟಿಎಂಸಿ)
ಜೂನ್ 9.19
ಜುಲೈ 31.24
ಆಗಸ್ಟ್ 45.95
ಸೆಪ್ಟೆಂಬರ್ 36.76
ಅಕ್ಟೋಬರ್ 20.22
ನವೆಂಬರ್ 13.78
ಡಿಸೆಂಬರ್ 7.35
ಜನವರಿ 2.76
ಫೆಬ್ರವರಿ–ಮೇ ಪ್ರತಿ ತಿಂಗಳು 2.5

ಕರ್ನಾಟಕದಿಂದ ತಮಿಳುನಾಡಿಗೆ ನೀರು ಹರಿದಿದೆಯೇ ಎಂದು ಹೇಗೆ ಅಳೆಯುತ್ತಾರೆ?

ಈ ಪ್ರಶ್ನೆ ಸಾಮಾನ್ಯವಾಗಿ ಎಲ್ಲರಲ್ಲೂ ಮೂಡುತ್ತದೆ.

ತಮಿಳುನಾಡಿನ ಗಡಿಭಾಗದ ಬಿಳಿಗುಂಡ್ಲು ಅಳತೆ ಕೇಂದ್ರದಲ್ಲಿ ಕೇಂದ್ರ ಜಲ ಆಯೋಗದ ಅಧಿಕಾರಿಗಳು ವರ್ಷಪೂರ್ತಿ ನೀರಿನ ಹರಿವನ್ನು ದಾಖಲಿಸುತ್ತಾರೆ.

  • ಪ್ರತಿದಿನ ಬೆಳಗ್ಗೆ 8 ರಿಂದ 10 ಗಂಟೆಯವರೆಗೆ ಅಳತೆ ನಡೆಸಲಾಗುತ್ತದೆ.
  • ಸುಮಾರು 160 ಮೀಟರ್ ವ್ಯಾಪ್ತಿಯ 15 ನಿಗದಿತ ಸ್ಥಳಗಳಲ್ಲಿ ಪರೀಕ್ಷೆ ನಡೆಯುತ್ತದೆ.
  • 7 ಮಂದಿ ಸಿಬ್ಬಂದಿ ದೋಣಿಯ ಮೂಲಕ ವಿಶೇಷ ಉಪಕರಣ ಬಳಸಿ ನೀರಿನ ಹರಿವಿನ ವೇಗವನ್ನು ಅಳೆಯುತ್ತಾರೆ.
  • ಈ ಮಾಹಿತಿಯ ಆಧಾರದ ಮೇಲೆ ಪ್ರತಿ ಸೆಕೆಂಡಿಗೆ ಎಷ್ಟು ನೀರು ಕರ್ನಾಟಕದಿಂದ ತಮಿಳುನಾಡಿಗೆ ಹರಿಯುತ್ತಿದೆ ಎಂಬುದು ಲೆಕ್ಕ ಹಾಕಲಾಗುತ್ತದೆ.
  • ಈ ಅಂಕಿಅಂಶಗಳನ್ನು ರಾಜ್ಯ ಸರ್ಕಾರಗಳು ಅಥವಾ ನ್ಯಾಯಾಲಯ ಕೇಳಿದಾಗ ಮಾತ್ರ ಅಧಿಕೃತವಾಗಿ ಹಂಚಿಕೊಳ್ಳಲಾಗುತ್ತದೆ.

ಕ್ಯೂಸೆಕ್ ಮತ್ತು ಟಿಎಂಸಿ ಎಂದರೇನು?

ಕ್ಯೂಸೆಕ್ (Cusec) ಎಂದರೆ Cubic Feet per Second.

  • ಒಂದು ಸೆಕೆಂಡಿಗೆ ಒಂದು ಘನ ಅಡಿ ನೀರು ಹರಿದರೆ ಅದನ್ನು 1 ಕ್ಯೂಸೆಕ್ ಎಂದು ಕರೆಯುತ್ತಾರೆ.
  • ಒಂದು ಘನ ಅಡಿ ನೀರು ಸುಮಾರು 28.317 ಲೀಟರ್ ಆಗುತ್ತದೆ.
  • 11,524 ಕ್ಯೂಸೆಕ್ ನೀರು 24 ಗಂಟೆಗಳ ಕಾಲ ನಿರಂತರವಾಗಿ ಹರಿದರೆ ಅದು ಸುಮಾರು 1 ಟಿಎಂಸಿಗೆ ಸಮಾನ.
  • 10,000 ಕ್ಯೂಸೆಕ್ ನೀರು 24 ಗಂಟೆ ಹರಿದರೆ ಸುಮಾರು 0.864 ಟಿಎಂಸಿ ನೀರು ಹರಿದಂತಾಗುತ್ತದೆ.

ಸಾರಾಂಶ

ಕಾವೇರಿ ನೀರಿನ ಹಂಚಿಕೆ ವಿಚಾರ ಪ್ರತಿ ಬರಗಾಲದ ಸಮಯದಲ್ಲೂ ಕರ್ನಾಟಕ ಮತ್ತು ತಮಿಳುನಾಡಿನ ನಡುವೆ ತೀವ್ರ ಚರ್ಚೆಗೆ ಕಾರಣವಾಗುತ್ತದೆ. ಈ ಬಾರಿ ಕೂಡ ರಾಜ್ಯದಲ್ಲಿ ನೀರಿನ ಅಭಾವ ತೀವ್ರವಾಗಿರುವ ನಡುವೆಯೇ CWMA ನೀಡಿರುವ ಆದೇಶ ರಾಜಕೀಯ ಮತ್ತು ಸಾರ್ವಜನಿಕ ವಲಯದಲ್ಲಿ ಹೊಸ ಚರ್ಚೆಗೆ ಕಾರಣವಾಗಿದೆ. ಮುಂದಿನ ದಿನಗಳಲ್ಲಿ ಮಳೆಯ ಪ್ರಮಾಣ, ಜಲಾಶಯಗಳ ನೀರಿನ ಮಟ್ಟ ಮತ್ತು ನ್ಯಾಯಾಂಗದ ಮುಂದಿನ ಬೆಳವಣಿಗೆಗಳು ಈ ವಿವಾದದ ದಿಕ್ಕನ್ನು ನಿರ್ಧರಿಸುವ ಸಾಧ್ಯತೆಯಿದೆ.

Life lessons:- ಬದುಕು ಕಲಿಸುವ ಪಾಠಗಳು ಮತ್ತು ನೆಮ್ಮದಿಯ ಸೂತ್ರಗಳು: ಒಂದು ಸ್ಪೂರ್ತಿದಾಯಕ ಬರಹ..!

By
varpithkumar
-
0

ಜೀವನವೆಂದರೆ ಕೇವಲ ಸುಖ-ದುಃಖಗಳಾಟವಲ್ಲ, ಅದೊಂದು ಸುಂದರ ಅನುಭವದ ಪಾಠಶಾಲೆ. ನಾವು ಎದುರಿಸುವ ಪ್ರತಿಯೊಂದು ಪರಿಸ್ಥಿತಿಯೂ ನಮಗೆ ಬದುಕಿನ ಅತಿ ಮುಖ್ಯ ಪಾಠಗಳನ್ನು ಕಲಿಸುತ್ತದೆ. ಚಿತ್ರದಲ್ಲಿರುವ ಕೈಬರಹದ ಸಾಲುಗಳು ನಮ್ಮ ದೈನಂದಿನ ಜೀವನಕ್ಕೆ ಹೊಸ ಸ್ಪೂರ್ತಿ ಮತ್ತು ಧೈರ್ಯವನ್ನು ತುಂಬುವಂತಿವೆ. ಬನ್ನಿ, ಈ ಸವಿವರವಾದ ಲೇಖನದ ಮೂಲಕ ಆ ಆಳವಾದ ಚಿಂತನೆಗಳನ್ನು ತಿಳಿಯೋಣ. (Life lessons).

ಬದುಕಿನಲ್ಲಿ ಕಷ್ಟ ಬಂದಾಗ ಕುಗ್ಗಬಾರದು!

“ಬದುಕು ಬೇಕಾದಷ್ಟು ಅನುಭವ ಮತ್ತು ಪಾಠ ಕಲಿಸುತ್ತದೆ. ಕೆಲವೊಮ್ಮೆ ಕಷ್ಟ-ಸುಖ ಎರಡೂ ಇರುತ್ತದೆ, ಕಷ್ಟ ಬಂದಾಗ ನಮ್ಮನ್ನು ನಾವು ಕುಗ್ಗಿಸಿಕೊಳ್ಳಬಾರದು.”

ಜೀವನದಲ್ಲಿ ಎಂದಿಗೂ ಒಂದೇ ರೀತಿಯ ಪರಿಸ್ಥಿತಿ ಇರುವುದಿಲ್ಲ. ಸುಖದ ಜೊತೆಗೆ ಕಷ್ಟಗಳು ಬರುವುದು ಸಹಜ. ಆದರೆ ಸಮಸ್ಯೆಗಳು ಎದುರಾದಾಗ ಧೃತಿಗೆಡದೆ, ಧೈರ್ಯದಿಂದ ಎದುರಿಸುವುದೇ ನಿಜವಾದ ಜೀವನ. ಕಷ್ಟಗಳು ನಮ್ಮನ್ನು ದುರ್ಬಲಗೊಳಿಸಲು ಬರುವುದಿಲ್ಲ, ಬದಲಾಗಿ ನಮ್ಮನ್ನು ಇನ್ನಷ್ಟು ಗಟ್ಟಿಗೊಳಿಸಲು ಬರುತ್ತವೆ.

ದಾರಿ ಹುಡುಕಿ ಮುಂದೆ ಸಾಗಿ

ಹೊಯ್ದಾಡಿಕೊಂಡಿರುವುದಕ್ಕಿಂತ ಪರ್ಯಾಯ ಮಾರ್ಗವನ್ನು ಕಂಡುಕೊಳ್ಳುವುದು ಮುಖ್ಯ. ಜೀವನದಲ್ಲಿ ಒಂದು ದಾರಿ ಮುಚ್ಚಿದರೆ ಇನ್ನೊಂದು ದಾರಿ ಇದ್ದೇ ಇರುತ್ತದೆ. ಅದನ್ನು ಹುಡುಕಿಕೊಂಡು ಧೈರ್ಯವಾಗಿ ಮುನ್ನಡೆಯಬೇಕು.

ಮನಸ್ಸಿನ ಗಟ್ಟಿತನ: ಸ್ವಲ್ಪ ಮನಸ್ಸನ್ನು ಗಟ್ಟಿ ಮಾಡಿಕೊಂಡು, ಬಂದಿದ್ದೆಲ್ಲ ಒಳ್ಳೆಯದಕ್ಕೆ, ಭಗವಂತನ ದಯೆ ಇರಲಿ ಎಂಬ ಭಾವನೆಯಿಂದ ಬದುಕನ್ನು ಕಟ್ಟಿಕೊಳ್ಳಬೇಕು.

ಸಕಾರಾತ್ಮಕ ಯೋಚನೆ: ಮನಸ್ಸು ಮಾಡಿದರೆ ಜಗತ್ತಿನಲ್ಲಿ ಯಾವುದೇ ಸಾಧನೆ ಅಸಾಧ್ಯವಲ್ಲ. ನಮ್ಮ ಗುರಿಯತ್ತ ಸಾಗುವ ದಾರಿ ಸರಿಯಾಗಿದ್ದರೆ, ಯಶಸ್ಸು ತಾನಾಗಿಯೇ ಹುಡುಕಿಕೊಂಡು ಬರುತ್ತದೆ.

ಹೋಲಿಕೆಯನ್ನು ಬಿಡಿ, ಶ್ರಮಕ್ಕೆ ತಕ್ಕ ಫಲ ಪಡೆಯಿರಿ

ಇಂದಿನ ಸ್ಪರ್ಧಾತ್ಮಕ ಜಗತ್ತಿನಲ್ಲಿ ಅನೇಕರು ಬೇರೆಯವರೊಂದಿಗೆ ತಮ್ಮನ್ನು ಹೋಲಿಕೆ ಮಾಡಿಕೊಳ್ಳುತ್ತಿರುತ್ತಾರೆ. ಆದರೆ ಇದು ನಮ್ಮ ಶ್ರಮವನ್ನು ವ್ಯರ್ಥ ಮಾಡುತ್ತದೆ.

“ಬೇರೆಯವರೊಂದಿಗೆ ಹೋಲಿಕೆ ಮಾಡಿಕೊಂಡು ನಮ್ಮ ಶ್ರಮವನ್ನು ವ್ಯರ್ಥ ಮಾಡುವುದರ ಬದಲು, ನಮ್ಮ ಶ್ರಮವನ್ನು ಅದಕ್ಕೆ ತಕ್ಕ ಫಲವನ್ನು ಪಡೆದರೆ, ನೆಮ್ಮದಿ ತಾನಾಗಿಯೇ ದೊರೆಯುತ್ತದೆ.”

ಪ್ರತಿಯೊಬ್ಬ ವ್ಯಕ್ತಿಯ ಜೀವನ ಪಯಣ ಭಿನ್ನವಾಗಿರುತ್ತದೆ. ಬೇರೆಯವರ ಯಶಸ್ಸನ್ನು ನೋಡಿ ಕೊರಗುವ ಬದಲು, ನಮ್ಮ ಸಾಮರ್ಥ್ಯದ ಮೇಲೆ ನಮಗೆ ನಂಬಿಕೆ ಇರಬೇಕು. ಪ್ರಾಮಾಣಿಕ ಶ್ರಮವಿದ್ದರೆ ಖಂಡಿತವಾಗಿಯೂ ತಕ್ಕ ಫಲ ಸಿಗುತ್ತದೆ.

ನೆಮ್ಮದಿ ನಮ್ಮ ಕೈಯಲ್ಲೇ ಇದೆ

ಅಂತಿಮವಾಗಿ, ನೆಮ್ಮದಿಯಾಗಿ ಬದುಕುವುದು ಸಂಪೂರ್ಣವಾಗಿ ನಮ್ಮ ಕೈಯಲ್ಲಿದೆ. ಬಾಳಿನ ಹಾದಿಯಲ್ಲಿ ಬರುವ ಸವಾಲುಗಳನ್ನು ನಗುತ್ತಾ ಸ್ವೀಕರಿಸಿ, ಸಕಾರಾತ್ಮಕ ಯೋಚನೆಗಳೊಂದಿಗೆ ಮುನ್ನಡೆದರೆ ಜೀವನ ಸುಂದರವಾಗುತ್ತದೆ.

(ಲೇಖನ ಕೃಪೆ: ರೇಖಾ ಶ್ರೀನಿವಾಸ್)

World Hepatitis day:- ವಿಶ್ವ ಹೆಪಟೈಟಿಸ್ ದಿನ: ಲಿವರ್ ಆರೋಗ್ಯದ ಬಗ್ಗೆ ಇರಲಿ ಎಚ್ಚರ, ಇಲ್ಲಿದೆ ಸಂಪೂರ್ಣ ಮಾಹಿತಿ.!

By
varpithkumar
-
0

ನಮ್ಮ ದೇಹದ ಪ್ರತಿಯೊಂದು ಆಂತರಿಕ ಮತ್ತು ಬಾಹ್ಯ ಅಂಗಕ್ಕೂ ಅದರದೇ ಆದ ಮಹತ್ವವಿದೆ. ಅದರಲ್ಲಿಯೂ ಯಕೃತ್ತು ಅಂದರೆ ಲಿವರ್ (Liver) ನಮ್ಮ ದೇಹದ ಪ್ರಮುಖ ಕಾರ್ಖಾನೆಯಿದ್ದಂತೆ. ಆದರೆ ಇತ್ತೀಚಿನ ದಿನಗಳಲ್ಲಿ ಲಿವರ್‌ಗೆ ತಗುಲುವ ಸೋಂಕುಗಳು ಆತಂಕಕಾರಿ ಮಟ್ಟದಲ್ಲಿ ಹೆಚ್ಚುತ್ತಿವೆ. ಅದರಲ್ಲೂ ವಿಶೇಷವಾಗಿ ವೈರಲ್ ಹೆಪಟೈಟಿಸ್ ಸಮಸ್ಯೆಯು ಜಾಗತಿಕ ಹಾಗೂ ರಾಷ್ಟ್ರೀಯ ಮಟ್ಟದಲ್ಲಿ ದೊಡ್ಡ ಆರೋಗ್ಯ ಸವಾಲಾಗಿ ಪರಿಣಮಿಸಿದೆ.

ಪ್ರತಿವರ್ಷ ಜುಲೈ 28 ರಂದು (World Hepatitis day) ‘ವಿಶ್ವ ಹೆಪಟೈಟಿಸ್ ದಿನವನ್ನಾಗಿ ಆಚರಿಸಲಾಗುತ್ತದೆ. ಹೆಪಟೈಟಿಸ್ ರೋಗದ ಬಗ್ಗೆ ಜಾಗೃತಿ ಮೂಡಿಸುವುದು, ಸಮಯಕ್ಕೆ ಸರಿಯಾಗಿ ರೋಗ ನಿರ್ಣಯ ಮಾಡುವುದು, ತಡೆಗಟ್ಟುವ ಕ್ರಮಗಳು ಮತ್ತು ಚಿಕಿತ್ಸೆಯ ಮಹತ್ವವನ್ನು ಜನರಿಗೆ ತಲುಪಿಸುವುದು ಈ ದಿನದ ಮುಖ್ಯ ಉದ್ದೇಶವಾಗಿದೆ. ಹೆಪಟೈಟಿಸ್ ಬಿ ವೈರಸ್ ಅನ್ನು ಕಂಡುಹಿಡಿದ ನೊಬೆಲ್ ಪ್ರಶಸ್ತಿ ವಿಜೇತ ಡಾ. ಬರೂಕ್ ಬ್ಲಂಬರ್ಗ್ ಅವರ ಜನ್ಮದಿನದ ನೆನಪಿಗಾಗಿ ಈ ದಿನವನ್ನು ಆಚರಿಸಲಾಗುತ್ತದೆ.

ಭಾರತದಲ್ಲಿ ಹೆಪಟೈಟಿಸ್ ಪರಿಸ್ಥಿತಿ ಹೇಗಿದೆ?

ವಿಶ್ವ ಆರೋಗ್ಯ ಸಂಸ್ಥೆಯ (WHO) 2024 ರ ಜಾಗತಿಕ ಹೆಪಟೈಟಿಸ್ ವರದಿಯ ಪ್ರಕಾರ, 2022 ರಲ್ಲಿ ವಿಶ್ವದಾದ್ಯಂತ ಸುಮಾರು 25.4 ಕೋಟಿ ಜನರು ಹೆಪಟೈಟಿಸ್ ಬಿ ಮತ್ತು 5 ಕೋಟಿ ಜನರು ಹೆಪಟೈಟಿಸ್ ಸಿ ಸೋಂಕಿನೊಂದಿಗೆ ಜೀವಿಸುತ್ತಿದ್ದರು. ಜಾಗತಿಕ ಮಟ್ಟದಲ್ಲಿ ವೈರಲ್ ಹೆಪಟೈಟಿಸ್ ಭಾರವನ್ನು ಹೆಚ್ಚಾಗಿ ಹೊಂದಿರುವ ದೇಶಗಳಲ್ಲಿ ಭಾರತವೂ ಒಂದಾಗಿದ್ದು, ಹೆಪಟೈಟಿಸ್ ಬಿ ಸೋಂಕಿತರ ಸಂಖ್ಯೆಯಲ್ಲಿ ಭಾರತವು ಚೀನಾದ ನಂತರ ಎರಡನೇ ಸ್ಥಾನದಲ್ಲಿದೆ.

ಹೆಪಟೈಟಿಸ್ ಎಂದರೇನು ಮತ್ತು ಇದರ ವಿಧಗಳು ಯಾವುವು?

ಹೆಪಟೈಟಿಸ್ ಎನ್ನುವುದು ಯಕೃತ್ತಿನಲ್ಲಿ (ಲಿವರ್) ಉರಿಯೂತವನ್ನು ಉಂಟುಮಾಡುವ ಒಂದು ಗಂಭೀರ ರೋಗ. ಇದು ಮುಖ್ಯವಾಗಿ ವೈರಸ್‌ನಿಂದ ಬರುತ್ತದೆ ಮತ್ತು ಲಿವರ್‌ನ ಕಾರ್ಯನಿರ್ವಹಣೆಯನ್ನು ಹದಗೆಡಿಸುತ್ತದೆ. ವೈರಸ್‌ಗಳಲ್ಲಿ ಪ್ರಮುಖವಾಗಿ ಎ, ಬಿ, ಸಿ, ಡಿ ಮತ್ತು ಇ ಎಂಬ 5 ವಿಧಗಳಿವೆ:

ಹೆಪಟೈಟಿಸ್ ಎ ಮತ್ತು ಇ: ಇವು ಸಾಮಾನ್ಯವಾಗಿ ಕಲುಷಿತ ಆಹಾರ ಅಥವಾ ನೀರಿನ ಮೂಲಕ ಹರಡುತ್ತವೆ. ಇವುಗಳಿಂದ ಯಾವುದೇ ದೀರ್ಘಕಾಲದ ತೊಂದರೆ ಇರುವುದಿಲ್ಲ ಮತ್ತು ಹೆಚ್ಚಿನ ಸಂದರ್ಭಗಳಲ್ಲಿ ಇವು ತಾನಾಗಿಯೇ ಗುಣಮುಖವಾಗುತ್ತವೆ. ಇದಕ್ಕೆ ನಿರ್ದಿಷ್ಟ ಆಂಟಿವೈರಲ್ ಚಿಕಿತ್ಸೆಯ ಅವಶ್ಯಕತೆ ಇರುವುದಿಲ್ಲ.

ಹೆಪಟೈಟಿಸ್ ಬಿ, ಸಿ ಮತ್ತು ಡಿ: ಇವು ಸೋಂಕಿತರ ರಕ್ತ ಹಾಗೂ ಇತರ ದೈಹಿಕ ದ್ರವಗಳ ಮೂಲಕ ಹರಡುತ್ತವೆ.

ಹೆಪಟೈಟಿಸ್ ಬಿ: ಇದು ಬಹಳ ಅಪಾಯಕಾರಿ ವೈರಸ್ ಆಗಿದ್ದು, ರಕ್ತದ ಸಂಪರ್ಕ, ಅಸುರಕ್ಷಿತ ಚುಚ್ಚುಮದ್ದುಗಳು ಮತ್ತು ಸೋಂಕಿತ ತಾಯಿಯಿಂದ ಮಗುವಿಗೆ ಹರಡುತ್ತದೆ. ಸಕಾಲದಲ್ಲಿ ಚಿಕಿತ್ಸೆ ಪಡೆಯದಿದ್ದರೆ ಇದು ಲಿವರ್ ಸಿರೋಸಿಸ್ ಅಥವಾ ಲಿವರ್ ಕ್ಯಾನ್ಸರ್ಗೆ ಕಾರಣವಾಗಬಹುದು.

ಹೆಪಟೈಟಿಸ್ ಸಿ: ಇದನ್ನು ‘ಮೌನ ಹಂತಕ’ ಎಂದು ಕರೆಯಲಾಗುತ್ತದೆ. ಇದಕ್ಕೆ ಲಸಿಕೆ ಇಲ್ಲದLದರೂ, ಆಧುನಿಕ ಔಷಧಿಗಳ ಮೂಲಕ ಇದನ್ನು ಸಂಪೂರ್ಣವಾಗಿ ಗುಣಪಡಿಸಬಹುದು.

ಹೆಪಟೈಟಿಸ್ ಡಿ: ಇದು ಈಗಾಗಲೇ ಹೆಪಟೈಟಿಸ್ ಬಿ ಸೋಂಕು ಇರುವವರಿಗೆ ಮಾತ್ರ ತಗಲುವ ಅಪರೂಪದ ಹಾಗೂ ತೀವ್ರ ಸ್ವರೂಪದ ಸೋಂಕು.

ಲಿವರ್ ಸೋಂಕಿನ ಪ್ರಮುಖ ಲಕ್ಷಣಗಳು

ನಿಮ್ಮ ದೇಹದಲ್ಲಿ ಲಿವರ್‌ಗೆ ಸಂಬಂಧಿಸಿದ ಸಮಸ್ಯೆಗಳು ಉಂಟಾದಾಗ ಈ ಕೆಳಗಿನ ಲಕ್ಷಣಗಳು ಕಾಣಿಸಿಕೊಳ್ಳಬಹುದು:

ಕಣ್ಣುಗಳು ಮತ್ತು ಚರ್ಮವು ಹಳದಿಯಾಗುವುದು (ಕಾಮಾಲೆ / Jaundice).

ಗಾಢ ಹಳದಿ ಅಥವಾ ಕಂದು ಬಣ್ಣದ ಮೂತ್ರ ಹಾಗೂ ಬಣ್ಣರಹಿತ ಮಲ ವಿಸರ್ಜನೆ.

ಹೊಟ್ಟೆಯ ಮೇಲಿನ ಬಲಭಾಗದಲ್ಲಿ ನೋವು, ವಾಕರಿಕೆ, ವಾಂತಿ ಮತ್ತು ಹಸಿವಾಗದಿರುವುದು.

ಜ್ವರ, ಕೀಲು ಅಥವಾ ಸ್ನಾಯುಗಳಲ್ಲಿ ನೋವು ಹಾಗೂ ಮೈ ತುರಿಕೆ.

ಹೆಪಟೈಟಿಸ್ ತಡೆಗಟ್ಟಲು ಮುಂಜಾಗ್ರತಾ ಕ್ರಮಗಳು

“ಮುನ್ನೆಚ್ಚರಿಕೆಯೇ ಅತ್ಯುತ್ತಮ ಔಷಧ.” ಕೆಲವು ಸರಳ ಅಭ್ಯಾಸಗಳ ಮೂಲಕ ನಾವು ಹೆಪಟೈಟಿಸ್ ಸೋಂಕಿನಿಂದ ದೂರವಿರಬಹುದು:

ಹೆಪಟೈಟಿಸ್ ಎ ಮತ್ತು ಬಿ ವೈರಸ್‌ಗಳಿಂದ ರಕ್ಷಿಸಿಕೊಳ್ಳಲು ಸಮಯಕ್ಕೆ ಸರಿಯಾಗಿ ಲಸಿಕೆಗಳನ್ನು ಪಡೆದುಕೊಳ್ಳಿ.

ಆಸ್ಪತ್ರೆಗಳಲ್ಲಿ ಅಥವಾ ಇಂಜೆಕ್ಷನ್ ತೆಗೆದುಕೊಳ್ಳುವಾಗ ಯಾವಾಗಲೂ ಹೊಸ ಮತ್ತು ಸ್ಟರ್ಲೈಜ್ಡ್ ಸಿರಿಂಜ್‌ಗಳನ್ನೇ ಬಳಸುವುದನ್ನು ಖಚಿತಪಡಿಸಿಕೊಳ್ಳಿ.

ಬೇರೆಯವರ ರೇಜರ್‌ಗಳು, ಬ್ಲೇಡ್‌ಗಳು, ಟೂತ್‌ಬ್ರಷ್‌ಗಳು ಅಥವಾ ಉಗುರು ಕತ್ತರಿಸುವ ಸಾಧನಗಳನ್ನು ಬಳಸಬೇಡಿ.

ರಕ್ತದ ಅವಶ್ಯಕತೆ ಇದ್ದಾಗ ಕಡ್ಡಾಯವಾಗಿ ಪ್ರಮಾಣೀಕೃತ ಬ್ಲಡ್ ಬ್ಯಾಂಕ್‌ಗಳಿಂದ ತಪಾಸಣೆಗೊಳಪಟ್ಟ ರಕ್ತವನ್ನೇ ಪಡೆಯಿರಿ.

ಲೈಂಗಿಕ ಕ್ರಿಯೆಯ ಸಮಯದಲ್ಲಿ ಸುರಕ್ಷಿತ ವಿಧಾನಗಳನ್ನು (ಕಾಂಡೋಮ್ ಬಳಕೆ) ಅನುಸರಿಸಿ.

ಕಾಯಿಸಿ ಆರಿಸಿದ ಅಥವಾ ಶುದ್ಧೀಕರಿಸಿದ ನೀರನ್ನು ಮಾತ್ರ ಕುಡಿಯಿರಿ. ರಸ್ತೆ ಬದಿಯ ತೆರೆದಿಟ್ಟ ಆಹಾರ ಹಾಗೂ ಕಲುಷಿತ ತಿಂಡಿಗಳನ್ನು ತಿನ್ನುವುದನ್ನು ತಪ್ಪಿಸಿ.

ಶೌಚಾಲಯ ಬಳಸಿದ ನಂತರ ಹಾಗೂ ಊಟ ಮಾಡುವ ಮುನ್ನ ಕೈಗಳನ್ನು ಸೋಪಿನಿಂದ ಚೆನ್ನಾಗಿ ತೊಳೆದುಕೊಳ್ಳಿ.

ಆರೋಗ್ಯಕರ ಜೀವನಶೈಲಿ ಮತ್ತು ಲಿವರ್ ರಕ್ಷಣೆ

ಮದ್ಯಪಾನದಿಂದ ದೂರವಿರಿ: ಆಲ್ಕೋಹಾಲ್ ಸೇವನೆಯು ಲಿವರ್ ಅನ್ನು ವೇಗವಾಗಿ ಹಾನಿಗೊಳಿಸುತ್ತದೆ, ಆದ್ದರಿಂದ ಮದ್ಯಪಾನವನ್ನು ಸಂಪೂರ್ಣವಾಗಿತ್ಯಜಿಸಿ.

ಸಮತೋಲಿತ ಆಹಾರ: ತರಕಾರಿ, ತಾಜಾ ಹಣ್ಣುಗಳು ಮತ್ತು ನಾರಿನಾಂಶವಿರುವ ಆಹಾರಗಳನ್ನು ಹೆಚ್ಚಾಗಿ ಸೇವಿಸಿ. ಎಣ್ಣೆಯುಕ್ತ ಹಾಗೂ ಸಂಸ್ಕರಿಸಿದ ಆಹಾರಗಳನ್ನು ಕಡಿಮೆ ಮಾಡಿ.

ಕಾಮಾಲೆ ಅಥವಾ ತೀವ್ರ ಸುಸ್ತಿನಂತಹ ಲಕ್ಷಣಗಳು ಕಂಡುಬಂದ ಕೂಡಲೇ ಸ್ವಯಂ ಚಿಕಿತ್ಸೆಗೆ ಮುಂದಾಗದೆ ತಕ್ಷಣ ವೈದ್ಯರನ್ನು ಭೇಟಿ ಮಾಡಿ.

ಹೆಪಟೈಟಿಸ್ ರೋಗಿಗಳು ಸೇವಿಸಬೇಕಾದ ಉತ್ತಮ ಆಹಾರಗಳು

ಲಿವರ್ ಉರಿಯೂತ ಅಥವಾ ಹೆಪಟೈಟಿಸ್ ಸಮಸ್ಯೆ ಇರುವವರು ಸುಲಭವಾಗಿ ಜೀರ್ಣವಾಗುವ ಪೌಷ್ಟಿಕ ಆಹಾರಗಳನ್ನು ಸೇವಿಸುವುದು ಬಹಳ ಮುಖ್ಯ:

ತಾಜಾ ಹಣ್ಣುಗಳು: ಸೇಬು, ಪಪ್ಪಾಯಿ, ಕಲ್ಲಂಗಡಿ, ಕಿತ್ತಳೆ ಮತ್ತು ಸ್ಟ್ರಾಬೆರಿಗಳು ಲಿವರ್‌ಗೆ ಅಗತ್ಯವಿರುವ ಆಂಟಿಆಕ್ಸಿಡೆಂಟ್‌ಗಳನ್ನು ಒದಗಿಸುತ್ತವೆ.

ಹಸಿರು ತರಕಾರಿಗಳು: ಬ್ರೊಕೋಲಿ, ಕ್ಯಾರೆಟ್, ಪಾಲಕ್ ಸೊಪ್ಪು ಮತ್ತು ಸಿಹಿ ಆಲೂಗಡ್ಡೆಗಳು ಲಿವರ್ ಕಾರ್ಯಕ್ಷಮತೆಯನ್ನು ಸುಧಾರಿಸುತ್ತವೆ.

ಧಾನ್ಯಗಳು: ಕೆಂಪಕ್ಕಿ ಅನ್ನ, ಓಟ್ಸ್, ಗೋಧಿ ಬ್ರೆಡ್ ಮತ್ತು ರಾಗಿ ಜೀರ್ಣಕ್ರಿಯೆಗೆ ಅತ್ಯಂತ ಸಹಕಾರಿ.

ಪ್ರೋಟೀನ್ ಯುಕ್ತ ಆಹಾರ: ಹೆಸರುಬೇಳೆ, ಮೊಟ್ಟೆಯ ಬಿಳಿ ಭಾಗ, ದ್ವಿದಳ ಧಾನ್ಯಗಳು ಹಾಗೂ ಮಜ್ಜಿಗೆ/ಮೊಸರು ಸೇವನೆ ಒಳ್ಳೆಯದು.

ದಿನವಿಡೀ ಸಾಕಷ್ಟು ಪ್ರಮಾಣದಲ್ಲಿ ಶುದ್ಧ ನೀರನ್ನು ಕುಡಿಯುವ ಮೂಲಕ ದೇಹದಲ್ಲಿನ ವಿಷಕಾರಿ ಅಂಶಗಳನ್ನು ಹೊರಹಾಕಬಹುದು.

ಜಾಗೃತಿ ಸಂದೇಶ:

“ಲಿವರ್ ನಮ್ಮ ದೇಹದ ಅತ್ಯಂತ ಅಮೂಲ್ಯವಾದ ಅಂಗ. ಹೆಪಟೈಟಿಸ್‌ನಿಂದ ರಕ್ಷಿಸಿಕೊಳ್ಳಲು ಲಸಿಕೆ ಪಡೆಯಿರಿ, ಸಮಯಕ್ಕೆ ಸರಿಯಾಗಿ ಪರೀಕ್ಷೆ ಮಾಡಿಸಿಕೊಳ್ಳಿ ಹಾಗೂ ಆರೋಗ್ಯಕರ ಜೀವನಶೈಲಿಯನ್ನು ರೂಢಿಸಿಕೊಳ್ಳಿ. ಜಾಗೃತರಾಗಿರಿ – ಆರೋಗ್ಯವಾಗಿರಿ.”

ಲೇಖನ:

ಮಮತ ಎಂ

ಎಂ.ಜಿ. ರಸ್ತೆ, ಚಿಕ್ಕಬಳ್ಳಾಪುರ

Chikkaballapur News:- ಚಿಕ್ಕಬಳ್ಳಾಪುರದಲ್ಲಿ ಕರ್ಕಶ ಶಬ್ದದ ಸೈಲೆನ್ಸರ್‌ಗಳ ಸದ್ದು ಬಂದ್: 100 ಅಕ್ರಮ ಸೈಲೆನ್ಸರ್‌ಗಳು ಧ್ವಂಸ!

By
varpithkumar
-
0

(Chikkaballapur): ಚಿಕ್ಕಬಳ್ಳಾಪುರ: ರಸ್ತೆಗಳಲ್ಲಿ ಬೈಕ್‌ಗಳ ಮೂಲಕ ಕಿವಿಗಡಚಿಕ್ಕುವ ಕರ್ಕಶ ಶಬ್ದ ಮಾಡುತ್ತಾ, ಸಾರ್ವಜನಿಕರಿಗೆ ಮತ್ತು ರೋಗಿಗಳಿಗೆ ತೀವ್ರ ಕಿರಿಕಿರಿ ಉಂಟುಮಾಡುತ್ತಿದ್ದ ದ್ವಿಚಕ್ರ ವಾಹನ ಸವಾರರಿಗೆ ಚಿಕ್ಕಬಳ್ಳಾಪುರ ಜಿಲ್ಲಾ ಪೊಲೀಸರು ಬಲವಾದೇಟು ನೀಡಿದ್ದಾರೆ. ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಕುಶಲ್ ಚೌಕ್ಸೆ ಅವರ ಮಾರ್ಗದರ್ಶನದಲ್ಲಿ ಸಂಚಾರ ಪೊಲೀಸರು ಭರ್ಜರಿ ಕಾರ್ಯಾಚರಣೆ ನಡೆಸಿ, ಬೈಕ್‌ಗಳಿಗೆ ಅಳವಡಿಸಲಾಗಿದ್ದ 100 ಮಾರ್ಪಡಿಸಿದ (ಮೋಡಫೈಡ್) ಸೈಲೆನ್ಸರ್‌ಗಳನ್ನು ಅಧಿಕೃತವಾಗಿ ನಾಶಪಡಿಸಿದ್ದಾರೆ.

ಪ್ರಮುಖ ಮುಖ್ಯಾಂಶಗಳು:

  • ಆಸ್ಪತ್ರೆಯ ರೋಗಿಗಳಿಗೆ ನೆಮ್ಮದಿ: ನಗರದ ಮುಖ್ಯ ರಸ್ತೆಯಲ್ಲಿ ಪ್ರಮುಖ ಆಸ್ಪತ್ರೆಯೊಂದಿದ್ದು, ಈ ಅಕ್ರಮ ಸೈಲೆನ್ಸರ್‌ಗಳ ಕರ್ಕಶ ಶಬ್ದದಿಂದ ಚಿಕಿತ್ಸೆ ಪಡೆಯುತ್ತಿರುವ ರೋಗಿಗಳಿಗೆ ಹಾಗೂ ವೃದ್ಧರಿಗೆ ತೀವ್ರ ಸ್ವರೂಪದ ತೊಂದರೆಯಾಗುತ್ತಿತ್ತು. ಇದನ್ನು ಗಂಭೀರವಾಗಿ ಪರಿಗಣಿಸಿದ ಪೊಲೀಸರು ಈ ವಿಶೇಷ ಕಾರ್ಯಾಚರಣೆಯನ್ನು ತೀವ್ರಗೊಳಿಸಿದ್ದಾರೆ.

  • ಇದುವರೆಗೆ 600 ಸೈಲೆನ್ಸರ್‌ಗಳು ಧ್ವಂಸ: ಕಳೆದ ಮೂರು ತಿಂಗಳಿಂದ ನಿರಂತರವಾಗಿ ಕಾರ್ಯಾಚರಣೆ ನಡೆಸುತ್ತಿರುವ ಸಂಚಾರ ಪೊಲೀಸರು, ಇದುವರೆಗೆ ಮೂರು ಹಂತಗಳಲ್ಲಿ ಒಟ್ಟು 600 ಮಾರ್ಪಡಿಸಿದ ಸೈಲೆನ್ಸರ್‌ಗಳನ್ನು ಜಪ್ತಿ ಮಾಡಿ ನಾಶಪಡಿಸಿದ್ದಾರೆ.

  • ಎಸ್ಪಿ ಖಡಕ್ ಎಚ್ಚರಿಕೆ: ವಾಹನಗಳಲ್ಲಿ ಕಂಪನಿ ನಿಯಮ ಮೀರಿ ಇಂತಹ ಅಕ್ರಮ ಸೈಲೆನ್ಸರ್‌ಗಳನ್ನು ಅಳವಡಿಸುವುದು ಕಾನೂನುಬಾಹಿರ. ಸವಾರರು ಸ್ವಯಂಪ್ರೇರಿತರಾಗಿ ಇವುಗಳನ್ನು ತೆರವುಗೊಳಿಸಬೇಕು, ಇಲ್ಲದಿದ್ದರೆ ಮುಂದಿನ ದಿನಗಳಲ್ಲಿ ಮತ್ತಷ್ಟು ಕಠಿಣ ಕಾನೂನು ಕ್ರಮ ಎದುರಿಸಬೇಕಾಗುತ್ತದೆ ಎಂದು ಎಸ್‌ಪಿ ಕುಶಲ್ ಚೌಕ್ಸೆ ಎಚ್ಚರಿಕೆ ನೀಡಿದ್ದಾರೆ.

ಸಾರ್ವಜನಿಕರಲ್ಲಿ ಜಾಗೃತಿ ಅಗತ್ಯ

ಯುವ ವಯಸ್ಸಿನ ಕೆಲ ಸವಾರರು ಸ್ಟಂಟ್ ಮಾಡಲು ಅಥವಾ ಫ್ಯಾಷನ್‌ಗಾಗಿ ಬೈಕ್‌ಗಳ ಮೂಲ ವಿನ್ಯಾಸ ಬದಲಾಯಿಸಿ ಕರ್ಕಶ ಶಬ್ದ ಬರುವ ಸೈಲೆನ್ಸರ್‌ಗಳನ್ನು ಹಾಕಿಕೊಳ್ಳುತ್ತಿದ್ದಾರೆ. ಇದರಿಂದ ಉಂಟಾಗುವ ಶಬ್ದ ಮಾಲಿನ್ಯವು ಇತರ ವಾಹನ ಸವಾರರ ಗಮನವನ್ನು ಬೇರೆಡೆ ಸೆಳೆದು ಅಪಘಾತಗಳಿಗೂ ದಾರಿ ಮಾಡಿಕೊಡುತ್ತದೆ.

ಸಂಚಾರ ಠಾಣೆಯ ಸಬ್‌-ಇನ್ಸ್‌ಪೆಕ್ಟರ್ ವಿದ್ಯಾ ಹಾಗೂ ಸಿಬ್ಬಂದಿ ಈ ಕಾರ್ಯಾಚರಣೆಯ ಜೊತೆಗೆ, ರಸ್ತೆ ಸುರಕ್ಷತೆ ಮತ್ತು ಸಂಚಾರ ನಿಯಮಗಳನ್ನು ಕಟ್ಟುನಿಟ್ಟಾಗಿ ಪಾಲಿಸುವಂತೆ ಸಾರ್ವಜನಿಕರಿಗೆ ಹಾಗೂ ಯುವ ಸವಾರರಿಗೆ ಜಾಗೃತಿ ಮೂಡಿಸುತ್ತಿದ್ದಾರೆ. ಪೊಲೀಸರ ಈ ದಿಟ್ಟ ಕ್ರಮಕ್ಕೆ ನಗರದ ನಾಗರಿಕರು ಹಾಗೂ ಹಿರಿಯ ನಾಗರಿಕರಿಂದ ವ್ಯಾಪಕ ಮೆಚ್ಚುಗೆ ವ್ಯಕ್ತವಾಗಿದೆ.

Chikkaballapur News:- ನಮ್ಮ ಭಾರತದ ಶಿಕ್ಷಣ ವ್ಯವಸ್ಥೆಯ ವಿರುದ್ಧ ಯುವ ಕಾಂಗ್ರೆಸ್ ವತಿಯಿಂದ ನಡೆಸುತ್ತಿರುವ ಪ್ರತಿಭಟನೆಗೆ ರಾಜೀವ್ ಗೌಡ ಸಾಥ್…!

By
varpithkumar
-
0

Chikkaballapur News:

ಚಿಕ್ಕಬಳ್ಳಾಪುರ ವಿದ್ಯಾರ್ಥಿಗಳ ಬೆಂಬಲಕ್ಕೆ ನಿಂತ ಯೂತ್ ಕಾಂಗ್ರೆಸ್: ಅನ್ಯಾಯದ ವಿರುದ್ಧ ಹೋರಾಟದ ಎಚ್ಚರಿಕೆ: ರಾಜೀವ್ ಗೌಡ..!

Russia Ukraine War:- ಉಕ್ರೇನ್‌ನಲ್ಲಿ ರಷ್ಯಾ ಕ್ಷಿಪಣಿ ದಾಳಿ: ಕಾಸರಗೋಡಿನ ಯುವಕನೂ ಸೇರಿ ನಾಲ್ವರು ಭಾರತೀಯರ ದುರ್ಮರಣ..!

By
varpithkumar
-
0

ಕೀವ್: ಉಕ್ರೇನ್‌ನ ಪ್ರಮುಖ ಬಂದರು ನಗರವಾದ ಒಡೆಸಾ ಸಮೀಪ ನಡೆದ ಭೀಕರ ಕ್ಷಿಪಣಿ ದಾಳಿಯಲ್ಲಿ (Russia Ukraine War) ನಾಲ್ವರು ಭಾರತೀಯರು ಮೃತಪಟ್ಟಿರುವ ಘಟನೆ ಇಡೀ ದೇಶವನ್ನೇ ಬೆಚ್ಚಿಬೀಳಿಸಿದೆ. ಈ ದಾಳಿಯಲ್ಲಿ ಕಾಸರಗೋಡು ಜಿಲ್ಲೆಯ ವೆಲ್ಲರಿಕುಂಡು ಮೂಲದ ಅಖಿಲ್ ಜೋಯಾನ್ (26) ಅವರು ತಮ್ಮ ಪ್ರಾಣ ಕಳೆದುಕೊಂಡಿದ್ದಾರೆ.

ಏನಿದು ದುರಂತ ಘಟನೆ?

ಭಾನುವಾರ (ಜುಲೈ 19, 2026) ಸಂಜೆ, ಉಕ್ರೇನ್‌ನ ಒಡೆಸಾ ಬಂದರಿನಿಂದ ಧಾನ್ಯಗಳನ್ನು ಹೊತ್ತು ಹೊರಟಿದ್ದ ‘ಎಂವಿ ಗೋಲ್ಡನ್ ಲಿಯೋ’ (MV GOLDEN LEO) ಎಂಬ ವಾಣಿಜ್ಯ ಹಡಗಿನ ಮೇಲೆ ರಷ್ಯಾ ಪಡೆಗಳು ಮೂರು ಕ್ರೂಸ್ ಕ್ಷಿಪಣಿಗಳನ್ನು ಹಾರಿಸಿ ದಾಳಿ ನಡೆಸಿವೆ.

  • ಹಡಗಿನಲ್ಲಿದ್ದವರು: ಒಟ್ಟು 17 ಸಿಬ್ಬಂದಿ ಇದ್ದು, ಅದರಲ್ಲಿ ಐವರು ಭಾರತೀಯರಿದ್ದರು.

  • ಸಾವು-ನೋವು: ದಾಳಿಯಲ್ಲಿ ನಾಲ್ವರು ಭಾರತೀಯರು ಸ್ಥಳದಲ್ಲೇ ಮೃತಪಟ್ಟಿದ್ದಾರೆ. ಮತ್ತೊಬ್ಬ ಭಾರತೀಯ ಸಿಬ್ಬಂದಿ ಗಂಭೀರವಾಗಿ ಗಾಯಗೊಂಡಿದ್ದು, ಆಸ್ಪತ್ರೆಯಲ್ಲಿ ಸಾವು-ಬದುಕಿನ ನಡುವೆ ಹೋರಾಡುತ್ತಿದ್ದಾರೆ.

ಅಖಿಲ್ ಜೋಯಾನ್: ಭರವಸೆಯ ಬದುಕು ಕಮರಿತು

ಕಾಸರಗೋಡಿನ ಎಕೆಜಿ ನಗರದ ನಿವಾಸಿಗಳಾದ ಜೋಯಾನ್ ಮತ್ತು ಸ್ಯಾಲಿ ದಂಪತಿಯ ಪುತ್ರ ಅಖಿಲ್, ಕಳೆದ ಐದು ವರ್ಷಗಳಿಂದ ಮರ್ಚೆಂಟ್ ನೇವಿ (ವ್ಯಾಪಾರಿ ನೌಕಾಪಡೆ) ಉದ್ಯೋಗಿಯಾಗಿದ್ದರು. ಕುಟುಂಬದ ಆಧಾರಸ್ತಂಭವಾಗಿದ್ದ ಅಖಿಲ್ ಅವರ ಅಗಲಿಕೆ ಕಾಸರಗೋಡಿನ ಜನತೆಯನ್ನು ಶೋಕಸಾಗರದಲ್ಲಿ ಮುಳುಗಿಸಿದೆ.

ಭಾರತ ಸರ್ಕಾರದ ತೀವ್ರ ಖಂಡನೆ

ಈ ಅಮಾನವೀಯ ಕೃತ್ಯವನ್ನು ಭಾರತ ಸರ್ಕಾರ ಬಲವಾಗಿ ಖಂಡಿಸಿದೆ. ವಿದೇಶಾಂಗ ವ್ಯವಹಾರಗಳ ಸಚಿವಾಲಯದ ವಕ್ತಾರ ರಣಧೀರ್ ಜೈಸ್ವಾಲ್ ಅವರು ಈ ಕುರಿತು ಹೇಳಿಕೆ ನೀಡಿದ್ದು, “ವಾಣಿಜ್ಯ ಹಡಗುಗಳ ಮೇಲೆ ದಾಳಿ ನಡೆಸುವುದು, ನಿರಪರಾಧಿ ಸಿಬ್ಬಂದಿಯನ್ನು ಬಲಿಪಡೆಯುವುದು ಹಾಗೂ ಜಾಗತಿಕ ವ್ಯಾಪಾರಕ್ಕೆ ಅಡ್ಡಿಪಡಿಸುವುದು ಅತ್ಯಂತ ಖಂಡನೀಯ ಮತ್ತು ವಿಷಾದನೀಯ,” ಎಂದು ತಿಳಿಸಿದ್ದಾರೆ.

ಉಕ್ರೇನ್‌ನಲ್ಲಿರುವ ಭಾರತೀಯ ರಾಯಭಾರ ಕಚೇರಿಯು ಪರಿಸ್ಥಿತಿಯನ್ನು ನಿರಂತರವಾಗಿ ಮೇಲ್ವಿಚಾರಣೆ ಮಾಡುತ್ತಿದೆ. ಸಂತ್ರಸ್ತ ಕುಟುಂಬಗಳಿಗೆ ಅಗತ್ಯವಿರುವ ಎಲ್ಲ ರೀತಿಯ ನೆರವನ್ನು ಒದಗಿಸುವುದಾಗಿ ಸರ್ಕಾರ ಭರವಸೆ ನೀಡಿದೆ.

ಸಮುದ್ರ ಮಾರ್ಗದಲ್ಲಿ ಹೆಚ್ಚಿದ ಆತಂಕ

ಒಡೆಸಾ ಬಂದರು ಉಕ್ರೇನ್‌ನ ಆರ್ಥಿಕತೆಯ ಪ್ರಮುಖ ಕೇಂದ್ರವಾಗಿದೆ. ಧಾನ್ಯ, ಲೋಹಗಳು ಮತ್ತು ರಾಸಾಯನಿಕಗಳನ್ನು ವಿಶ್ವದಾದ್ಯಂತ ರಫ್ತು ಮಾಡುವ ಈ ಮಾರ್ಗದ ಮೇಲೆ ದಾಳಿ ನಡೆದಿರುವುದು ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಆತಂಕಕ್ಕೆ ಕಾರಣವಾಗಿದೆ. ರಷ್ಯಾ-ಉಕ್ರೇನ್ ಯುದ್ಧದ ಪರಿಣಾಮವಾಗಿ ಈಗ ಸಾಗರ ಮಾರ್ಗದಲ್ಲಿ ಸಂಚರಿಸುವ ಸಾಮಾನ್ಯ ನೌಕರರು ಮತ್ತು ಹಡಗುಗಳು ಬಲಿಯಾಗುತ್ತಿರುವುದು ಭದ್ರತೆಯ ಕುರಿತು ದೊಡ್ಡ ಪ್ರಶ್ನೆಗಳನ್ನು ಹುಟ್ಟುಹಾಕಿದೆ.

ನಾವು ಮೃತಪಟ್ಟ ಅಖಿಲ್ ಜೋಯಾನ್ ಮತ್ತು ಇತರ ಭಾರತೀಯ ನೌಕರರ ಆತ್ಮಕ್ಕೆ ಶಾಂತಿ ಕೋರೋಣ ಹಾಗೂ ಗಾಯಾಳು ಸಿಬ್ಬಂದಿ ಶೀಘ್ರ ಗುಣಮುಖರಾಗಲಿ ಎಂದು ಹಾರೈಸೋಣ.

Bengaluru Crime news:- ಬೆಂಗಳೂರಿನಲ್ಲಿ ಹೃದಯವಿದ್ರಾವಕ ಘಟನೆ: ಗರ್ಲ್ ಫ್ರೆಂಡ್ ಮಾತನಾಡುತ್ತಿಲ್ಲ ಎಂದು ನೇಣಿಗೆ ಶರಣಾದ 41 ವರ್ಷದ ವ್ಯಕ್ತಿ.!

By
varpithkumar
-
0

(Bengaluru) ಬೆಂಗಳೂರು: ಪ್ರೀತಿ, ಸಂಬಂಧಗಳಲ್ಲಿನ ಸಣ್ಣಪುಟ್ಟ ಬಿರುಕುಗಳು ಕೆಲವೊಮ್ಮೆ ಎಂತಹ ದುರಂತಕ್ಕೆ ದಾರಿ ಮಾಡಿಕೊಡುತ್ತವೆ ಎಂಬುದಕ್ಕೆ ಈ ಘಟನೆ ಸಾಕ್ಷಿಯಾಗಿದೆ. ಬೆಂಗಳೂರಿನ ವೈಯಾಲಿಕಾವಲ್ ಪ್ಯಾಲೇಸ್ ಗುಟ್ಟಹಳ್ಳಿಯಲ್ಲಿ, ತನ್ನ ಗೆಳತಿ ಮಾತನಾಡುತ್ತಿಲ್ಲ ಎಂಬ ಕಾರಣಕ್ಕೆ 41 ವರ್ಷದ ವ್ಯಕ್ತಿಯೊಬ್ಬ ಆತ್ಮಹತ್ಯೆ ಮಾಡಿಕೊಂಡಿರುವ ಆಘಾತಕಾರಿ ಘಟನೆ ಬೆಳಕಿಗೆ ಬಂದಿದೆ.

ಏನಿದು ಪ್ರಕರಣ?

ಮೃತ ದುರ್ದೈವಿಯನ್ನು ಡಾರ್ಜಿಲಿಂಗ್ ಮೂಲದ ಸುದೀಪ್ (41) ಎಂದು ಗುರುತಿಸಲಾಗಿದೆ. ಮೂಲತಃ ಪಶ್ಚಿಮ ಬಂಗಾಳದವರಾದ ಸುದೀಪ್, ಕೆಲಸದ ನಿಮಿತ್ತ ಬೆಂಗಳೂರಿನಲ್ಲಿ ನೆಲೆಸಿದ್ದರು. ಆದರೆ, ವೈಯಕ್ತಿಕ ಜೀವನದಲ್ಲಿ ಎದುರಾದ ನೋವು ಅವರನ್ನು ಸಾವಿನ ದಾರಿಯತ್ತ ಕೊಂಡೊಯ್ದಿದೆ.

  • ಘಟನೆ ನಡೆದ ಸ್ಥಳ: ಪ್ಯಾಲೇಸ್ ಗುಟ್ಟಹಳ್ಳಿಯ ಜನನಿಬಿಡ ಪ್ರದೇಶದಲ್ಲಿರುವ ದೇವಸ್ಥಾನವೊಂದರ ಎದುರಿನ ಮರಕ್ಕೆ ಸುದೀಪ್ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.

  • ಅನುಮಾನಾಸ್ಪದ ಸಂಗತಿ: ಸುದೀಪ್ ಅವರು ಆತ್ಮಹತ್ಯೆಗೂ ಮುನ್ನ ತಮ್ಮ ಬಳಿ ಇದ್ದ ಸೂಟ್‌ಕೇಸ್‌ನಲ್ಲಿ ನಗದು ಹಣವನ್ನು ಇಟ್ಟುಕೊಂಡಿದ್ದರು ಎಂಬುದು ಪತ್ತೆಯಾಗಿದೆ.

ಪೊಲೀಸರ ತನಿಖೆ

ಸುದ್ದಿ ತಿಳಿಯುತ್ತಿದ್ದಂತೆ ಸ್ಥಳಕ್ಕೆ ಧಾವಿಸಿದ ವೈಯಾಲಿಕಾವಲ್ ಪೊಲೀಸರು, ಪರಿಶೀಲನೆ ನಡೆಸಿ ಮೃತದೇಹವನ್ನು ಮರಣೋತ್ತರ ಪರೀಕ್ಷೆಗಾಗಿ ವಿಕ್ಟೋರಿಯಾ ಆಸ್ಪತ್ರೆಗೆ ರವಾನಿಸಿದ್ದಾರೆ. ಪ್ರಾಥಮಿಕ ತನಿಖೆಯ ಪ್ರಕಾರ, “ತನ್ನ ಗರ್ಲ್ ಫ್ರೆಂಡ್ ತನ್ನೊಂದಿಗೆ ಮಾತನಾಡುತ್ತಿಲ್ಲ” ಎಂಬ ಬೇಸರದಲ್ಲಿದ್ದ ಸುದೀಪ್ ಈ ಕಠಿಣ ನಿರ್ಧಾರ ಕೈಗೊಂಡಿರುವ ಸಾಧ್ಯತೆಯಿದೆ ಎಂದು ತಿಳಿದುಬಂದಿದೆ. ಸದ್ಯ ವೈಯಾಲಿಕಾವಲ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಹೆಚ್ಚಿನ ತನಿಖೆ ಮುಂದುವರಿದಿದೆ.

ಗಮನಿಸಿ: ಜೀವನದಲ್ಲಿ ಯಾವುದೇ ಸಮಸ್ಯೆಗಳು ಬಂದರೂ ಆತ್ಮಹತ್ಯೆ ಪರಿಹಾರವಲ್ಲ. ನೀವು ಅಥವಾ ನಿಮ್ಮ ಪರಿಚಿತರು ಮಾನಸಿಕ ಒತ್ತಡ ಅಥವಾ ಖಿನ್ನತೆಯಿಂದ ಬಳಲುತ್ತಿದ್ದರೆ, ದಯವಿಟ್ಟು ಸಹಾಯವಾಣಿಗಳನ್ನು ಸಂಪರ್ಕಿಸಿ ಮತ್ತು ತಜ್ಞರ ಸಲಹೆ ಪಡೆಯಿರಿ. ಆಪ್ತ ಸಮಾಲೋಚನೆ ಮತ್ತು ಸರಿಯಾದ ಸಮಯಕ್ಕೆ ಸಿಗುವ ಬೆಂಬಲ ಅನೇಕ ಜೀವಗಳನ್ನು ಉಳಿಸಬಲ್ಲದು.

FIFA Worldcup 2026:- ಫಿಫಾ ವಿಶ್ವಕಪ್ 2026 ಫೈನಲ್: ಮೆಸ್ಸಿ ಅವರ ಕಡೆಯ ಪಂದ್ಯವೇ…?

By
varpithkumar
-
0

ಫುಟ್‌ಬಾಲ್ ಲೋಕದ ದಂತಕಥೆ ಲಿಯೋನೆಲ್ ಮೆಸ್ಸಿ ಅವರ ಆಟವನ್ನು ಕಣ್ತುಂಬಿಕೊಳ್ಳಲು ಇಡೀ ವಿಶ್ವವೇ ಕಾತರದಿಂದ ಕಾಯುತ್ತಿದೆ. ಜುಲೈ 20 ರಂದು (ಭಾರತೀಯ ಕಾಲಮಾನ) ಅಮೆರಿಕದ ನ್ಯೂಜೆರ್ಸಿಯ ಮೆಟ್‌ಲೈಫ್ ಕ್ರೀಡಾಂಗಣದಲ್ಲಿ ನಡೆಯಲಿರುವ (FIFA Worldcup 2026) ಫಿಫಾ ವಿಶ್ವಕಪ್ 2026ರ ಫೈನಲ್ ಪಂದ್ಯದಲ್ಲಿ ಅರ್ಜೆಂಟೀನಾ ಮತ್ತು ಸ್ಪೇನ್ ತಂಡಗಳು ಮುಖಾಮುಖಿಯಾಗಲಿವೆ.

ಈ ಪಂದ್ಯವು ಕೇವಲ ಚಾಂಪಿಯನ್‌ಷಿಪ್‌ಗಾಗಿ ಮಾತ್ರವಲ್ಲ, 39 ವರ್ಷದ ಲಿಯೋನೆಲ್ ಮೆಸ್ಸಿ ಅವರ ವೃತ್ತಿಜೀವನದ ಬಹುಮುಖ್ಯ ಘಟ್ಟವಾಗಿಯೂ ಕಾಣುತ್ತಿದೆ.

ಮೆಸ್ಸಿ ನಿವೃತ್ತಿ ಕುರಿತ ವದಂತಿಗಳು

ಮೆಸ್ಸಿ ಅವರು ಮುಂದಿನ ವಿಶ್ವಕಪ್‌ ವೇಳೆಗೆ 43 ವರ್ಷದವರಾಗಿರುತ್ತಾರೆ. ಹೀಗಾಗಿ, ಈ ಫೈನಲ್ ಪಂದ್ಯವೇ ಅವರ ಅಂತರಾಷ್ಟ್ರೀಯ ವೃತ್ತಿಜೀವನದ ಕಡೆಯ ವಿಶ್ವಕಪ್ ಪಂದ್ಯವಾಗಬಹುದು ಎಂಬ ಮಾತುಗಳು ಬಲವಾಗಿ ಕೇಳಿಬರುತ್ತಿವೆ. ಮೆಸ್ಸಿ ಈ ಬಗ್ಗೆ ಯಾವುದೇ ಅಧಿಕೃತ ಹೇಳಿಕೆ ನೀಡಿಲ್ಲವಾದರೂ, ಅಭಿಮಾನಿಗಳು ಇದನ್ನು ‘ಕೊನೆಯ ನೃತ್ಯ’ (The Last Dance) ಎಂದು ಭಾವಿಸಿದ್ದಾರೆ. ಸ್ವತಃ ಮೆಸ್ಸಿ ಈ ಹಿಂದೆ ತಮಗೆ ಸಾಧ್ಯವಿರುವವರೆಗೂ ಆಡುವುದಾಗಿ ತಿಳಿಸಿದ್ದರು.

ದಾಖಲೆಗಳ ಸರದಾರ ಮೆಸ್ಸಿ

ಈ ವಿಶ್ವಕಪ್‌ನಲ್ಲಿ ಮೆಸ್ಸಿ ಅಪ್ರತಿಮ ಫಾರ್ಮ್‌ನಲ್ಲಿದ್ದಾರೆ:

  • 8 ಗೋಲುಗಳು: ಟೂರ್ನಿಯಲ್ಲಿ ಅತಿ ಹೆಚ್ಚು ಗೋಲು ಗಳಿಸಿದ ಆಟಗಾರರಲ್ಲಿ ಅಗ್ರಸ್ಥಾನ.

  • ಅದ್ಭುತ ಪ್ರದರ್ಶನ: ಸೆಮಿಫೈನಲ್ ಪಂದ್ಯದಲ್ಲಿ ಇಂಗ್ಲೆಂಡ್ ವಿರುದ್ಧದ ಗೆಲುವಿನಲ್ಲಿ ಮೆಸ್ಸಿ ಅವರ ಪಾತ್ರ ಹಿರಿದು.

  • ಹೊಸ ಇತಿಹಾಸ: ಈ ಫೈನಲ್‌ನಲ್ಲಿ ಗೆದ್ದರೆ, ಅರ್ಜೆಂಟೀನಾ ತನ್ನ ವಿಶ್ವಕಪ್ ಕಿರೀಟವನ್ನು ಉಳಿಸಿಕೊಳ್ಳಲಿದೆ.

ಭಾನುವಾರ ನಡೆಯಲಿರುವ ಈ ಹೈ-ವೋಲ್ಟೇಜ್ ಪಂದ್ಯದಲ್ಲಿ ಲಿಯೋನೆಲ್ ಮೆಸ್ಸಿ ಅವರು ಮತ್ತೊಂದು ಐತಿಹಾಸಿಕ ದಾಖಲೆಯನ್ನು ಬರೆಯುತ್ತಾರಾ ಅಥವಾ ಅವರ ಅಂತರಾಷ್ಟ್ರೀಯ ವೃತ್ತಿಜೀವನಕ್ಕೆ ಇಲ್ಲಿಯೇ ತೆರೆ ಬೀಳುತ್ತದೆಯಾ ಎಂಬುದನ್ನು ಕಾದು ನೋಡಬೇಕಿದೆ.

ಭಾರತೀಯ ಅಭಿಮಾನಿಗಳು ಈ ಮಹಾ ಫೈನಲ್ ಪಂದ್ಯವನ್ನು ಜುಲೈ 20 ರಂದು ಬೆಳಿಗ್ಗೆ 12:30 ಗಂಟೆಗೆ ನೇರವಾಗಿ ವೀಕ್ಷಿಸಬಹುದಾಗಿದೆ.

Ahmedabad Fire cracker factory Blast; 8 Dead:- ಅಹಮದಾಬಾದ್‌ನಲ್ಲಿ ಭೀಕರ ದುರಂತ: ಅಕ್ರಮ ಪಟಾಕಿ ಕಾರ್ಖಾನೆಯಲ್ಲಿ ಸ್ಫೋಟ, 8 ಮಂದಿ ಸಾವು..!

By
varpithkumar
-
0

(Ahmedabad) ಅಹಮದಾಬಾದ್: ಗುಜರಾತ್‌ನ ಅಹಮದಾಬಾದ್‌ನಲ್ಲಿ ನಡೆದ ಭೀಕರ ಸ್ಫೋಟವೊಂದು ಇಡೀ ದೇಶವನ್ನು ಬೆಚ್ಚಿಬೀಳಿಸಿದೆ. ರಾಮೋಲ್–ಗಾತ್ರಾಡ್ ರಸ್ತೆಯ ಬಳಿಯಿರುವ ಅಕ್ರಮ ಪಟಾಕಿ ಕಾರ್ಖಾನೆಯಲ್ಲಿ (Fire cracker factory ) ಶನಿವಾರ (ಜುಲೈ 18, 2026) ಸಂಭವಿಸಿದ ಈ ದುರ್ಘಟನೆಯಲ್ಲಿ 8 ಮಂದಿ ಕಾರ್ಮಿಕರು ದಾರುಣವಾಗಿ ಸಾವನ್ನಪ್ಪಿದ್ದಾರೆ.

ಏನಿದು ಘಟನೆ?

ನಗರದ ಹೊರವಲಯದಲ್ಲಿರುವ ಈ ಪಟಾಕಿ ಕಾರ್ಖಾನೆಯು ಯಾವುದೇ ಪರವಾನಗಿ ಇಲ್ಲದೆ ಅಕ್ರಮವಾಗಿ ಕಾರ್ಯಾಚರಿಸುತ್ತಿತ್ತು ಎಂದು ಪ್ರಾಥಮಿಕ ತನಿಖೆಯಿಂದ ತಿಳಿದುಬಂದಿದೆ. ವಾಸ್ತವವಾಗಿ, ಈ ಘಟಕದ ಪರವಾನಗಿಯನ್ನು ಮೊದಲೇ ರದ್ದುಗೊಳಿಸಲಾಗಿತ್ತು. ಆದರೆ, ನಿಯಮಗಳನ್ನು ಗಾಳಿಗೆ ತೂರಿ ಮಾಲೀಕ ಮೆಹುಲ್ ದೋಡಿಯಾ ಅಕ್ರಮವಾಗಿ ಉತ್ಪಾದನೆಯನ್ನು ಮುಂದುವರೆಸಿದ್ದನು ಎಂದು ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ.

ಸ್ಫೋಟದ ತೀವ್ರತೆ ಎಷ್ಟು ಭೀಕರವಾಗಿತ್ತೆಂದರೆ, ಅದರ ಶಬ್ದ ಸುಮಾರು 5 ಕಿಲೋಮೀಟರ್ ದೂರದವರೆಗೂ ಕೇಳಿಸಿದೆ. ಸ್ಫೋಟದಿಂದಾಗಿ ಕಾರ್ಖಾನೆಯ ಕಟ್ಟಡ ಸಂಪೂರ್ಣವಾಗಿ ಜಖಂಗೊಂಡಿದ್ದು, ಅವಶೇಷಗಳಡಿ ಸಿಲುಕಿ ಕಾರ್ಮಿಕರು ಪ್ರಾಣ ಕಳೆದುಕೊಂಡಿದ್ದಾರೆ.

ರಕ್ಷಣಾ ಕಾರ್ಯಾಚರಣೆ ಮತ್ತು ಗಾಯಾಳುಗಳು

ಘಟನೆ ನಡೆದ ತಕ್ಷಣವೇ ಸ್ಥಳದಲ್ಲಿದ್ದ ರ‍್ಯಾಪಿಡ್ ಆಕ್ಷನ್ ಫೋರ್ಸ್ (RAF) ಸಿಬ್ಬಂದಿ ಮತ್ತು ಅಗ್ನಿಶಾಮಕ ದಳದವರು ಸ್ಥಳಕ್ಕೆ ಧಾವಿಸಿ ರಕ್ಷಣಾ ಕಾರ್ಯಾಚರಣೆಯನ್ನು ಆರಂಭಿಸಿದರು. 15ಕ್ಕೂ ಹೆಚ್ಚು ಮಂದಿ ಗಾಯಗೊಂಡಿದ್ದು, ಅವರನ್ನು ತಕ್ಷಣವೇ ನಗರದ ಎಲ್.ಜಿ. ಆಸ್ಪತ್ರೆ ಮತ್ತು ಅಸರ್ವಾ ಸಿವಿಲ್ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಪ್ರಧಾನ ಮಂತ್ರಿಗಳ ಸಂತಾಪ ಮತ್ತು ಪರಿಹಾರ

ಈ ದುರ್ಘಟನೆಯ ಬಗ್ಗೆ ಪ್ರಧಾನಿ ನರೇಂದ್ರ ಮೋದಿ ಅವರು ತೀವ್ರ ದುಃಖ ವ್ಯಕ್ತಪಡಿಸಿದ್ದಾರೆ. ಮೃತರ ಕುಟುಂಬಗಳಿಗೆ ತಮ್ಮ ಸಂತಾಪ ಸೂಚಿಸಿರುವ ಪ್ರಧಾನಿಯವರು, ಪ್ರಧಾನಮಂತ್ರಿಯವರ ರಾಷ್ಟ್ರೀಯ ಪರಿಹಾರ ನಿಧಿಯಿಂದ (PMNRF) ಮೃತರ ಕುಟುಂಬಗಳಿಗೆ ತಲಾ ₹2 ಲಕ್ಷ ಹಾಗೂ ಗಾಯಾಳುಗಳಿಗೆ ತಲಾ ₹50,000 ಪರಿಹಾರ ಧನವನ್ನು ಘೋಷಿಸಿದ್ದಾರೆ.

ಕಠಿಣ ಕ್ರಮಕ್ಕೆ ಆಗ್ರಹ

ಅಕ್ರಮವಾಗಿ ಕಾರ್ಖಾನೆ ನಡೆಸುತ್ತಿದ್ದ ಮಾಲೀಕನ ವಿರುದ್ಧ ಪೊಲೀಸರು ಸ್ಫೋಟಕ ಕಾಯ್ದೆಯಡಿ ಮತ್ತು ನಿರ್ಲಕ್ಷ್ಯದ ಆರೋಪದ ಮೇಲೆ ಎಫ್‌ಐಆರ್ (FIR) ದಾಖಲಿಸಿಕೊಂಡಿದ್ದಾರೆ. “ಪರವಾನಗಿ ರದ್ದಾಗಿದ್ದರೂ ಉತ್ಪಾದನೆ ನಡೆಸಿದ್ದು ಹೇಗೆ?” ಎಂಬ ಬಗ್ಗೆ ತೀವ್ರ ತನಿಖೆ ನಡೆಯುತ್ತಿದೆ.

ಈ ಘಟನೆಯು ಅಕ್ರಮ ಕಾರ್ಖಾನೆಗಳಲ್ಲಿ ನಡೆಯುತ್ತಿರುವ ಸುರಕ್ಷತಾ ಲೋಪಗಳ ಬಗ್ಗೆ ಮತ್ತೊಮ್ಮೆ ಗಂಭೀರ ಪ್ರಶ್ನೆಗಳನ್ನು ಹುಟ್ಟುಹಾಕಿದೆ. ಅಧಿಕಾರಿಗಳು ಇಂತಹ ಅಕ್ರಮ ಘಟಕಗಳ ಮೇಲೆ ಇನ್ನಷ್ಟು ಕಠಿಣ ನಿಗಾ ವಹಿಸಬೇಕೆಂಬ ಒತ್ತಾಯ ಸಾರ್ವಜನಿಕ ವಲಯದಲ್ಲಿ ಕೇಳಿಬರುತ್ತಿದೆ.

Bidadi Township News:- ಬಿಡದಿ ಟೌನ್‌ಶಿಪ್ ವಿವಾದ: ರೈತರ ಹೋರಾಟದ ನಡುವೆ ಸರ್ಕಾರದ ‘ತಾತ್ಕಾಲಿಕ ವಿರಾಮ’..!

By
varpithkumar
-
0

ಬೆಂಗಳೂರು ಹೊರವಲಯದ ಬಿಡದಿ ಟೌನ್‌ಶಿಪ್ (Bidadi Township) (GBIT) ಯೋಜನೆ ಇದೀಗ ರಾಜ್ಯ ರಾಜಕೀಯದಲ್ಲಿ ಭಾರೀ ಸಂಚಲನ ಮೂಡಿಸಿದೆ. ರೈತರ ತೀವ್ರ ವಿರೋಧ, ಮಹಿಳೆಯರ ಪ್ರತಿಭಟನೆ ಮತ್ತು ಪ್ರತಿಪಕ್ಷಗಳ ಆಕ್ರೋಶದ ನಡುವೆ ಸರ್ಕಾರ ಇದೀಗ ಕೊಂಚ ಮೃದು ಧೋರಣೆ ತಾಳಿದೆ.

ಏನಿದು ಹೊಸ ಬೆಳವಣಿಗೆ?

ಕಳೆದ ಕೆಲವು ದಿನಗಳಿಂದ ಅಧಿಕಾರಿಗಳ ಮೇಲೆ ಮಹಿಳೆಯರು ಪೊರಕೆ ದಾಳಿ ನಡೆಸಿದ ಘಟನೆ ಹಾಗೂ ರೈತರ ಉಗ್ರ ಪ್ರತಿಭಟನೆಗಳು ತೀವ್ರ ಸ್ವರೂಪ ಪಡೆದಿದ್ದವು. ಈ ಒತ್ತಡಕ್ಕೆ ಮಣಿದಿರುವ ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್, ಸದ್ಯಕ್ಕೆ ಯೋಜನೆಯನ್ನು 2 ತಿಂಗಳ ಮಟ್ಟಿಗೆ ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಲಾಗಿದೆ ಎಂದು ಘೋಷಿಸಿದ್ದಾರೆ.

ಸಿಎಂ ಡಿ.ಕೆ. ಶಿವಕುಮಾರ್ ಹೇಳಿದ್ದೇನು?

ಮುಖ್ಯಮಂತ್ರಿಗಳು ಈ ವಿಚಾರವಾಗಿ ಸ್ಪಷ್ಟನೆ ನೀಡಿದ್ದು, ರೈತರನ್ನು ವಿಶ್ವಾಸಕ್ಕೆ ತೆಗೆದುಕೊಳ್ಳುವುದೇ ನಮ್ಮ ಆದ್ಯತೆ ಎಂದಿದ್ದಾರೆ:

  • ಸಮಿತಿ ರಚನೆ: ರೈತರ ಅಹವಾಲುಗಳನ್ನು ಆಲಿಸಲು ಮತ್ತು ವಸ್ತುಸ್ಥಿತಿಯನ್ನು ಅಧ್ಯಯನ ಮಾಡಲು ಸಮಿತಿಯೊಂದನ್ನು ರಚಿಸಲಾಗುವುದು. ಈ ಸಮಿತಿಯ ವರದಿಯ ಆಧಾರದ ಮೇಲೆ ಮುಂದಿನ ಹೆಜ್ಜೆ ಇಡಲಾಗುವುದು.

  • ಬಲವಂತದ ಸ್ವಾಧೀನವಿಲ್ಲ: ಯಾವುದೇ ಕಾರಣಕ್ಕೂ ರೈತರ ಜಮೀನನ್ನು ಬಲವಂತವಾಗಿ ಪಡೆಯುವುದಿಲ್ಲ. ಸ್ವಇಚ್ಛೆಯಿಂದ ಜಮೀನು ನೀಡುವವರ ಜಮೀನನ್ನು ಮಾತ್ರ ಪರಿಗಣಿಸಲಾಗುವುದು.

  • ಪೊರಕೆ ದಾಳಿ ಕುರಿತು: “ನನ್ನ ಮೇಲೆ ಪೊರಕೆಯಲ್ಲಿ ಹೊಡೆದರೂ ಸಹಿಸಿಕೊಳ್ಳುತ್ತೇನೆ, ಆದರೆ ಅಧಿಕಾರಿಗಳ ಮೇಲೆ ಹಲ್ಲೆ ಮಾಡುವುದು ಬೇಡ” ಎಂದು ಮನವಿ ಮಾಡಿದ್ದಾರೆ.

ಅಧಿಸೂಚನೆಯ ಗೊಂದಲ ಯಾಕೆ?

ಒಂದೆಡೆ ಸಿಎಂ ಯೋಜನೆಯನ್ನು ಸ್ಥಗಿತಗೊಳಿಸುವುದಾಗಿ ಹೇಳಿದರೆ, ಇನ್ನೊಂದೆಡೆ ನಗರಾಭಿವೃದ್ಧಿ ಇಲಾಖೆ ಬನ್ನಿಗಿರಿ, ಅರಳಾಳುಸಂದ್ರ, ಕೆ.ಜಿ.ಗೊಲ್ಲರಪಾಳ್ಯ ಮತ್ತು ಹೊಸೂರು ಗ್ರಾಮಗಳ ಜಮೀನು ಸ್ವಾಧೀನಕ್ಕೆ 2ನೇ ಹಂತದ ಅಂತಿಮ ಅಧಿಸೂಚನೆಯನ್ನು ಪ್ರಕಟಿಸಿದೆ. ಇದು ರೈತರಲ್ಲಿ ಮತ್ತಷ್ಟು ಗೊಂದಲ ಮತ್ತು ಆಕ್ರೋಶಕ್ಕೆ ಕಾರಣವಾಗಿದೆ.

ಯಾವ ಗ್ರಾಮದಲ್ಲಿ ಎಷ್ಟು ಎಕ್ರೆ ಸ್ವಾಧೀನ?

ಗ್ರಾಮ ರೈತರ ಸಂಖ್ಯೆ ಸ್ವಾಧೀನವಾಗಲಿರುವ ಜಮೀನು (ಎಕರೆ)
ಕೆ.ಜಿ.ಗೊಲ್ಲರಪಾಳ್ಯ 221 315
ಬನ್ನಿಗಿರಿ 1,205 775
ಅರಳಾಳುಸಂದ್ರ 2,087 1,460
ಹೊಸೂರು 2,995 2,390

ಮುಂದೇನು?

ಮಾಜಿ ಪ್ರಧಾನಿ ಎಚ್.ಡಿ. ದೇವೇಗೌಡರು ಈ ಯೋಜನೆಯನ್ನು ಸಂಪೂರ್ಣವಾಗಿ ಕೈಬಿಡುವಂತೆ ಒತ್ತಾಯಿಸಿದ್ದಾರೆ. ಸದ್ಯಕ್ಕೆ ಸರ್ಕಾರವು ‘ಕೂಲಿಂಗ್-ಆಫ್’ ಪಿರಿಯಡ್ (ವಿರಾಮದ ಅವಧಿ) ಘೋಷಿಸುವ ಮೂಲಕ ರಾಜಕೀಯ ಒತ್ತಡವನ್ನು ತಗ್ಗಿಸುವ ಪ್ರಯತ್ನ ನಡೆಸುತ್ತಿದೆ. ಈ ಎರಡು ತಿಂಗಳ ಕಾಲಾವಧಿಯಲ್ಲಿ ಸರ್ಕಾರ ಮತ್ತು ರೈತರ ನಡುವಿನ ಮಾತುಕತೆ ಯಾವ ದಿಕ್ಕಿನಲ್ಲಿ ಸಾಗಲಿದೆ ಎಂಬುದು ಸದ್ಯದ ಕುತೂಹಲ.

123...12Page 1 of 12

Stay connected

0FansLike
0FollowersFollow
0SubscribersSubscribe
- Advertisement -
Google search engine

Latest article

Cauvery water dispute: ಕಾವೇರಿ ನೀರಿನ ಹಂಚಿಕೆ ಮತ್ತೆ ವಿವಾದದ ಕೇಂದ್ರಬಿಂದು: CWMA ಸಭೆಯಲ್ಲಿ ಕರ್ನಾಟಕ-ತಮಿಳುನಾಡು ವಾದ ಏನಿತ್ತು?...

National varpithkumar - 0
ಬೆಂಗಳೂರು/ನವದೆಹಲಿ: ಕಾವೇರಿ ನೀರಿನ (Cauvery water) ಹಂಚಿಕೆ ವಿಚಾರ ಮತ್ತೆ ರಾಜ್ಯದಲ್ಲಿ ತೀವ್ರ ಚರ್ಚೆಗೆ ಕಾರಣವಾಗಿದೆ. ಎಲ್‌ನಿನೋ ಪರಿಣಾಮದಿಂದ ಕರ್ನಾಟಕದಲ್ಲಿ ಭೀಕರ ಬರ ಪರಿಸ್ಥಿತಿ ಎದುರಾಗಿದ್ದು, ಹಲವೆಡೆ ಕುಡಿಯುವ ನೀರಿಗೂ ಸಂಕಷ್ಟ ಉಂಟಾಗಿದೆ....

Life lessons:- ಬದುಕು ಕಲಿಸುವ ಪಾಠಗಳು ಮತ್ತು ನೆಮ್ಮದಿಯ ಸೂತ್ರಗಳು: ಒಂದು ಸ್ಪೂರ್ತಿದಾಯಕ ಬರಹ..!

Blog varpithkumar - 0
ಜೀವನವೆಂದರೆ ಕೇವಲ ಸುಖ-ದುಃಖಗಳಾಟವಲ್ಲ, ಅದೊಂದು ಸುಂದರ ಅನುಭವದ ಪಾಠಶಾಲೆ. ನಾವು ಎದುರಿಸುವ ಪ್ರತಿಯೊಂದು ಪರಿಸ್ಥಿತಿಯೂ ನಮಗೆ ಬದುಕಿನ ಅತಿ ಮುಖ್ಯ ಪಾಠಗಳನ್ನು ಕಲಿಸುತ್ತದೆ. ಚಿತ್ರದಲ್ಲಿರುವ ಕೈಬರಹದ ಸಾಲುಗಳು ನಮ್ಮ ದೈನಂದಿನ ಜೀವನಕ್ಕೆ ಹೊಸ...

World Hepatitis day:- ವಿಶ್ವ ಹೆಪಟೈಟಿಸ್ ದಿನ: ಲಿವರ್ ಆರೋಗ್ಯದ ಬಗ್ಗೆ ಇರಲಿ ಎಚ್ಚರ, ಇಲ್ಲಿದೆ ಸಂಪೂರ್ಣ ಮಾಹಿತಿ.!

Special varpithkumar - 0
ನಮ್ಮ ದೇಹದ ಪ್ರತಿಯೊಂದು ಆಂತರಿಕ ಮತ್ತು ಬಾಹ್ಯ ಅಂಗಕ್ಕೂ ಅದರದೇ ಆದ ಮಹತ್ವವಿದೆ. ಅದರಲ್ಲಿಯೂ ಯಕೃತ್ತು ಅಂದರೆ ಲಿವರ್ (Liver) ನಮ್ಮ ದೇಹದ ಪ್ರಮುಖ ಕಾರ್ಖಾನೆಯಿದ್ದಂತೆ. ಆದರೆ ಇತ್ತೀಚಿನ ದಿನಗಳಲ್ಲಿ ಲಿವರ್‌ಗೆ ತಗುಲುವ...